|
AN IROY NGA TUNA
BAHAL NGA TUBA
Untitled
1
Aber, butangi basi higustuhan
Inin tahap-tahap
basi tikangan
Kay di na maantos hinin ak’
tiyan
An damo nga karukayakan
2
Bahal nga tuba, bahal nga manamit
Akon lag-ukon, diri
makarit
Matin-aw daw tubig, baga igo la
an kapait
Nalahoy ha but-ol, diri gud nahapit
3
Padis han paksiw nga linaga
Bis’ mag-irignom hin
mag-aga
Tiyan mailob hin pikada
Bisan unanhon nga hugada
(Repeat#1)
4
Tagay na bangkero,
Tagay na ayaw palipat
Upaya
iton imo pagpalakat
5
Matin-aw daw tubig, baga igo la an kapait
Nalahoy ha but-ol, diri gud nahapit
Padis marasa nga sumsuman
Ngan hin pikpikot
nga tulpokan
Labis na gud nga kon sabawan
Hitso gud an karukayakan
(Repeat#1)
6
Tagay na bangkero,
Tagay na ayaw palipat
Upaya iton imo pagpalakat
Pagikmat ngan ayaw pahuway
LIMUKON UG PUNAY
May duha nga tamsi,
Limukon ug punay
Nga naghihilumlom
Hin gugma nga tunay
Waray aringaring
Bis nag-aandulaw
Kay nagkakasabot
Ha siplat, ha kulaw
Kay an mga tamsi
Waray pinulongan,
Waray gud yayaknon,
Waray paaliday
Kondi may higugma
Nga inuonongan
Kon nagsisigtangdo
Nagsisipagtuman
Kay sugad hit puthaw'
Ngan batobarani
Karuyag maghangkop
Ngan magkahirani
Basi makaglara
Hin usa nga sanag
Nga pakakamatyan
Hadton ira saad.
DIRI NA GUD AKO
Diri na gud ako, diri na gud ako
Maghihigot hin manok
Kon ako nalakat, kon ako nalakat
Iba an nahapyod
Kon ako naabot, kon akon naabot
Barahibo kuno
Asya'n tinikangan, asya'n tinikangan
Pagra-ot han buot
Bis' ka pa gad Iday, bis' ka pa gad Iday
Magpulbo, magsudlay
Magpabansil ka pa, mag-ariyos ka pa
Maglipstick hin pula
Magpahamot ka pa, magsapatos ka pa
Magkapuro seda
Daw sugad in buring, bis' pa gad kudkuron
Buring la gihapon
KAPAIT NGA PAGKAHIMTANG
Kapait nga pagkahimtang inin akon dinangatan
An kabos nga kasingkasing imo la ginpasipad-an
Waray nimo ikahirak inin akon pagkakablas
Aantuson ko kay palad man
Han gugma nga inongayan.
¿Hain na daw la an akon kalipay?
Putli nga gugma imo la ginkawang
Dumduma an aton ginsaaran
Akon babalunon hasta ha lubnganan.
DAW SUGAD HIN BUKAD
Daw sugad hin bukad ine’n ak kahimtang dinhe ha kalibutan
May takna nga pagrakdag kon nagugurang na Iya katapusan;
Ngan kon biyoos pa an usa nga tiaw dayon pipingguton la
Ngan sa kadugayan katapos pagpulsi an tiaw bayaan.
Salit diri, diri ako magpapasulay
Han duha nga gugma nga saad hin lipay.
Gabay waray, waray lugod ako masangakay
Bas tibway an lipay han ak pagka-uray tubto ha kamatay.
To Manga Siday from Carigara
|
 |
KON HARAPIT NA AN ADLAW MATUNOD
Untitled
1
Kon harapit na an adlaw matunod
Ngan ha imo hirayo ako
Pagputok han kakulba han dughan
An kamingaw asay ko dako
2
Pagtikang ain panuro han tun-og
mga dahon bukad panhumog
Inin luha daw burabod
Waray hunong hin pagtubod,
3
Kon nadangat na an gab-i
nadugang an kamingaw
Labi kon nabati han huni han kalaw
Pagpula han sidlangan, pagpuni-as han adlaw
Pagkalpad han maya, dinumdum ko ikaw
4
Inin luha daw burabod
Waray hunong hin pagtubod,
Kon nadangat na an gab-i
nadugang an kamingaw
Labi kon nabati han huni han kalaw
Pagpula han sidlangan, pagpuni-as han adlaw
Pagkalpad han maya, dinumdum ko ikaw
PANHAYHAY
Untitled
Hadto imo ako ginsaaran
Saad nga sugad hin inop.
Budhi nga waray ka magtuman
Hadton guinlalauman ay
hinin kalag nga linop.
Sanglit, mga mata kay hupong na.
rutay han mga pagtangis.
Pabay-i nga manhayhay an gugma.
Ha sakob hinin dughan ay,
kamamatyan ko la.
Waray ako pamamalandong,
nga maabot ini nga adlaw.
Nga ako magmamasamdong
panumduman hadton nangalabay.
Paghitukso han higugma,
panuro han mga luha.
Kay imo man talinguha, ay
nga ako mamatay
Gugma, kay imo man ako guinlingo,
gugma nga waray kapaid.
Gugma, say sibara an kabudhi
bas’ ak’ diri mabudhi, ay
hin pag-antos gaid.
Waray ako pamamalandong
Nga maabot ini nga adlaw
Nga ako magmamasamdong
Panumdum hadton nangalabay
Pamatii an panhayhay,
Panhingutas hin aganay,
Bas’ ak diri mabudhi ay,
Nga ako mamatay . . . .
LAWISWIS KAWAYAN
Ako magtatanom lawiswis kawayan
Akon la kan pikoy palataylatayan
Sabahis nga pikoy ka-waray batasan
Sinmulod ha kwarto, kan inday higdaan.
An panyo, an panyo nga may sigarilyo,
Ginpiksi ni Inday kay may sentimiento
An nasisinahan, an nabi- an nabibidu-an
Tungod la han gugma nga waray katuman.
An ine nga hugpo lawiswis kawayan
Diin an higugma nga may rayandayan
Magtutugtog dayon mga ginlatayan
Maglipay ngatanan mga kasaangkayan.
An ine nga pikoy nga pikoy paglupad murayaw
Natuntong han sanga dagos paparayaw
Binuklad an pako, an pako daw hilaw nga dahon
An iya pagrayhak nga ak ginkinantahan.
Hi Mano palabio mahal magbaligya
Adobo sitsaron upod an mantika
Ginpadisan hin luyat nga tarong
Hi mano Palabio mahal la gihapon.
MAY TAMSI PULA AN DUGHAN
May tamsi pula an dughan
Gutiay ko la hidakpan
Lugaring, ay, ay
Kay nasalipdan
Han lubi nga kalanyogan.
Agidaw-gidaw, agidaw
Nagsayaw-sayaw an bukaw
Ngsirit-sirit an gitgit
Nagsayaw-sayaw ha langit.
Kon di la hi abaniko
Patay na ine’n lawas ko,
Lawas ko, ay, ay
Nadidismayo
Han balhas nga dimasyado.
LUBI-LUBI
Lubi-lubi lubi, lubi lingkuranay
Ayaw gad pagsak-i, kay hibubo-ay.
Ayaw gad pagsak-i,
Lubi-lubi
Kon maruruyag ka kumaon hin silot
Didto la nga didto la
Kan Nanay nga didto la.
Kan Tatay nga didto la, pakigsabot.
Agidaw-gidaw an bukaw
Naglupad-lupad ha igbaw
Agidaw-gidaw an gitgit
Naglupad-lupad ha langit
Agidaw-gidaw an bukaw
Naglupad-lupad ha igbaw
Agidaw-gidaw an gitgit
Linmupad ha langit
Enero, pebrero, marso, abril, mayo,
Hunyo, hulyo, agosto,
Setyembre, oktubre,
Nobyembre, desyembre,
Lubi-lubi.
|
